Pavlodarda Ertis-Baıan ІІ respýblıkalyq teatrlar festıvali ótedi
PAVLODAR. KAZINFORM -Dástúrge aınala bastaǵan óner festıvaline elimizdiń túpkir-túpkirinen 11 teatr qatysady dep kútilip otyr.
25-30 qyrkúıek kúnderi J.Aımaýytov atyndaǵy Pavlodar oblystyq qazaq mýzyka-drama teatrynda «Ertis-Baıan» IІ respýblıkalyq teatrlar festıvali ótkiziledi. Dástúrli óner festıvali qazaq teatr óneriniń kórnekti ókili, J.Aımaýytov teatrynyń tuńǵysh rejısseri, Qazaqstannyń eńbek sińirgen qaıratkeri Ersaıyn Qanderjanuly Tápenovtiń týǵanyna 80 jyl tolýyna oraılastyrylyp otyr.
- Elimizdegi úzdik óner ujymdarynyń qoıylymdary baǵalanatyn teatrlar dodasy osymen ekinshi márte ótkeli otyr. Festıval otandyq teatr ónerindegi úzdik jumystardy, zamanaýı teatr úrdisiniń negizgi tendentsııalaryn anyqtaý jáne teatr óneriniń klassıkalyq, zamanaýı muralary arasyndaǵy shyǵarmashylyq baılanysty nyǵaıtý, akterlik kásibı deńgeıdi shyńdaý, teatr álemindegi jańa esimderdi anyqtaý maqsatynda uıymdastyrylady, - habarlady Aımaýytov teatrynan.
Bul festıvaldegi negizgi talap – qatysatyn jumystar buryn ózge teatrlardyń sahnasynda qoıylmaýy kerek ári sońǵy bir jyl ishinde premerasy ótken bolýy tıis.
Eske sala keteıik, Abaı atyndaǵy teatr 93-maýsymyn «Aqbala» baletiniń premerasymen ashty.
