Pavlodarda Ertis Promenade maýsymy ashyldy
PAVLODAR. QazAqparat - Pavlodardaǵy Ortalyq jaǵalaýda jaz boıy apta saıyn qazaqstandyq jáne sheteldik ártister óner kórsetetin jańa sahnanyń tusaýy kesildi, Kontsert maýsymyn «Djaz tústeri» festıvali, ashty dep habarlaıdy pavlodarnews.kz.
Sahna tórine Novosibir oblysy jáne Altaı ólkesiniń ujymdary, pavlodarlyq saksofon orkestri men kameralyq hor shyqty. Mýzykalyq mereke bes myńnan astam adamnyń basyn qosty.
«Jaǵalaýda osyndaı sahna qurǵany keremet. Bul sahnada álemge áıgili sheteldik ártisterdiń óner kórsetetinine qýanyshtymyz. Óz basym munda dostarymmen birge ashyq aspan astynda kelip bıleýge daıynmyn»,- deıdi qala turǵyny Ásemgúl Ismaılova.
Óńirlik mádenıet basqarmasynda Ortalyq jaǵalaýda kontsertter ár demalys saıyn ótedi dep ýáde berýde. Pavlodar qalasyna kelip án salýǵa reseılik pop oryndaýshy Satı Kazanova men moldavandyq ánshi Dan Balan kelisimin bergen.
Qazaqstandyq ánshilerdiń qatarynan Merýert Túsipbaeva, Rınat Maltsagov, Roza Muqataeva, Qaırat Nurtas jáne «Jigitter» tobyn kórýge bolady.
Keshe «MuzArt» toby kelse, al búgin 3 maýsymda pavlodarlyq sımfonııalyq orkestri óner kórsetedi.
