Pavlodarda Ertis Promenade maýsymy ashylady
PAVLODAR. KAZINFORM - Ertis Promenade sahnasynyń ashylýyna oraı turǵyndar arasynda jeke án oryndaýdan baıqaý ótkiziledi. Úzdik shyqqandar negizgi kontsertte óner kórsetedi dep josparlanyp otyr.
Bul týraly Pavlodar qalasynyń ákimdiginen habarlady.
Ertis Promenade – Ertis ózeniniń jaǵalaýynda, ashyq dalada ornalasqan sahna. Jaz mezgiliniń ár senbisinde bul jerde otandyq óner juldyzdary men jergilikti ónerpazdar án salyp, kópshilikke qýanysh syılasa, jeksenbi kúnderi otandyq fılmder kórsetiledi. Kontsertter men kınokórsetilimderdiń barlyǵy tegin, uıymdastyrý shyǵyndaryn jergilikti demeýshiler kóterip keledi.
«Ertis-Baıan óńiriniń turǵyndary asyǵa kútetin Ertis promenade sahnasynyń maýsymasharynda ádettegideı halyq kóp bolady dep josparlanyp otyr. Qalalyq mádenıet jáne tilderdi damytý bólimi talantty turǵyndar arasynda «Karaoke PVL» baıqaýyn ótkizedi. Baıqaýda jasy 18-ge tolǵan kez kelgen azamat óner kórsete alady. Іrikteýden ótkender 18 mamyr kúni bas sahnadaǵy kontsertke qatysady», - dep málimdedi qalalyq ákimdikten.