Pavlodarda Ertis arqyly ótetin taǵy bir kópir salynady

ASTANA. QazAqparat – Pavlodarda Ertis arqyly ótetin taǵy bir kópir salynady. Bul týraly oblys ákimi Asaıyn Baıhanov ortalyq kommýnıkatsııalar qyzmetinde ótken brıfıngide málim etti, dep habarlaıdy QazAqparat tilshisi.

«Prezıdent tapsyrmasyn oryndaý aıasynda bıyl qyrkúıek aıynda Pavlodar oblysynda Ertis ózeninen ótetin jańa kópirdiń qurylysy bastalady. Bul nysandy salýdaǵy basym baǵyt – qoǵamdyq kólik salasyn damytý. Bul jerde biz tramvaı marshrýttaryn keńeıtip, aldaǵy eki jylda 70 vagondy jańartpaqpyz. Óńirdiń úsh jylynda qoǵamdyq kólik parki jańartylyp, 125 jańa avtobýs satyp alyndy», - dedi ákim.

Sondaı-aq, ol óńirdegi úsh qalanyń jylý júıesin jańartýǵa qansha qarajat ketetinin aıtty.

«Byltyrǵy kúrdeli jylytý maýsymynan keıin óńirdiń ınjenerlik ınfraqurlymyn jańartý basym baǵytqa aınaldy. Jylý jelileriniń jalpy uzyndyǵy - 3438 shaqyrym. Olardyń ortasha tozý deńgeıi 82 paıyzǵa jetken. Qazir úsh qalada 22 mlrd teńgege 52 shaqyrym jylý jelisi salynyp, jóndelip, qaıta jaraqtalyp jatyr», - dedi Asaıyn Baıhanov.

Sondaı-aq, ol Ekibastuz qalasy aldaǵy jylytý maýsymyna qalaı daıyndalyp jatqanyn aıtty.