Pavlodarda erteń kóktaıǵaq bolyp, 28 metrge deıin ekpindi jel turady
PAVLODAR. KAZINFORM — «Qazgıdromet» mamandary Pavlodar oblysynda 21 qazanda aýa raıy kúrt nasharlaıtynyn eskertti. Óńirde jańbyr aralas qar jaýyp, kóktaıǵaq bolady. Jeldiń ekpini sekýndyna 28 metrge deıin jetýi yqtımal.
Oblystyq tótenshe jaǵdaılar departamentiniń málimetinshe, erteń óńirdiń batysynda, soltústiginde, ońtústiginde jáne ortalyǵynda kóktaıǵaq bolady. Túnde jáne tańerteń oblystyń soltústiginde tuman túsýi yqtımal.
Soltústik-batystan soǵatyn jeldiń jyldamdyǵy sekýndyna 15–20 metrge jetedi. Al oblystyń batysy men ońtústiginde jeldiń ekpini 23–28 m/s-qa deıin kúsheıedi.
Pavlodar qalasynda da jańbyr men qar jaýyp, joldarda kóktaıǵaq bolady dep boljanýda. Jeldiń jyldamdyǵy sekýndyna 15–20 metrge deıin jetýi yqtımal.
Tótenshe jaǵdaılar qyzmeti turǵyndardy aýa raıynyń qolaısyzdyǵyn eskerip, jolda saq bolýǵa, qaýipsizdik sharalaryn qatań saqtaýǵa shaqyrady.
«Qazgıdromettiń» boljamyna sáıkes, qalada túnde aýa temperatýrasy 0…+2 gradýs, kúndiz +4…+6 gradýs shamasynda bolady.
Buǵan deıin Abaı oblysynyń polıtsııasy eskertý jasaǵan bolatyn.
