Pavlodarda erli-zaıypty qatygezdikpen óltirilgen: Kúdikti - 17 jastaǵy uly
PAVLODAR. QazAqparat - Pavlodardaǵy saıajaıda qatygezdikpen óltirilgen erli-zaıyptynyń denesi tabyldy, dep habarlaıdy QazAqparat tilshisi.
«Qazirgi kezde osy fakti boıynsha «Adam óltirý» babyna sáıkes sotqa deıingi tergep-tekserý júrip jatyr, tıisti saraptamalar belgilendi. Sottyń sanktsııasymen kúdikti ustaldy», - dedi jýrnalısterge Pavlodar oblystyq ishki ister departamentiniń baspasóz hatshysy Baıan Maǵzumova.
Polıtsııanyń aqparatyna súıensek, máıitter saıajaıda tórt kún boıy jatyp qalǵan. Máıitter tabylǵan soń araǵa bir kún salyp, qaza tapqan áıeldiń 17 jastaǵy uly kúdikti retinde ustaldy.
Beıresmı habarlarǵa qaraǵanda, qylmysqa otbasyndaǵy janjal sebepshi bolýy múmkin.
