Pavlodarda er adamdy poıyz qaǵyp ketti
PAVLODAR. QazAqparat - Pavlodarda er adamdy poıyz qaǵyp ketti. Quqyq qorǵaý organdary sotqa deıingi tergeýdi bastady, dep habarlaıdy QazAqparat Pavlodarnews.kz saıtyna silteme jasap.
Jazataıym oqıǵa 21 shildege qaraǵan túni oryn alǵan.
Pavlodar paıdalaný deposynyń málimetinshe, mashınıst shuǵyl tejeýdi qoldanǵan, alaıda poıyz toqtap úlgermegen. Marqumnyń jeke basy áli anyqtalǵan joq. Turǵylyqty jeri joq adam bolýy múmkin degen boljam bar.
QR ІІM kóliktegi polıtsııa departamentiniń habarlaýynsha, atalmysh fakt sotqa deıingi tergeýdiń biryńǵaı tiziliminde tirkelgen. Іs QR QK 344-babynyń ekinshi bóligi - «abaısyzda adam ólimine ákep soqqan temirjol kóliginiń qozǵalys qaýipsizdigin nemese ony paıdalaný qaǵıdalaryn buzý» boıynsha qaralýda. Tergeý múddesine jáne QR Qylmystyq is júrgizý kodeksiniń 201-babynyń talaptaryna baılanysty departamentte tolyq aqparat jarııa etilmeıdi.
Pavlodar deposynda poıyz mashınısteri jaqyndap qalǵanyn dybyspen eskertedi. Eger reaktsııa bolmasa, jedel tejeý qoldanylady. Elektrovozdyń tejeý qashyqtyǵy 500 metrge deıin jetedi, sondyqtan eger obekt jaqyn bolsa, lokomotıvtiń toqtaýǵa ýaqyty bolmaıdy.
Buǵan deıin mashınıster poıyzdardyń shuǵyl aıaldamalary ne úshin qajet ekenin aıtqan bolatyn.
