Pavlodarda er adam jedel járdem qyzmetkerlerin óz páterine qamap ketken
Bul týraly agenttikke oblystyq jedel medıtsınalyq járdem stantsııasynyń baspasóz qyzmeti habarlady.
- 28 sáýirde er adam jubaıynyń jaǵdaıy nashar ekenin aıtyp, jedel járdem shaqyrtqan. Oqıǵa ornyna jedel járdem brıgadasy jiberildi. Dárigerler oqıǵa ornyna kelgen kezde er adam páterden shyǵyp, olardy áıelimen birge jaýyp tastaǵan. Keıin ol oblystyq jedel járdem stantsııasynyń ǵımaratyna baryp, medıtsına qyzmetkerlerin kóp kútkenin málimdegen. Er adamǵa medıtsına qyzmetkerlerin ustaýy zańsyz ekenin aıtqan kezde ǵana ol jubaıyna qońyraý shalyp, medıtsına qyzmetkerlerin shyǵaryp jiberýin suraǵan, - dedi baspasóz qyzmetinde.
Dárigerler atalmysh jaǵdaı boıynsha polıtsııaǵa júginip, buzaqylyqqa qarsy ákimshilik is qozǵaldy. Sot 30 sáýirde ótip, quqyq buzýshyǵa 5 aılyq eseptik kórsetkish mólsherinde aıyppul salyndy. Alaıda ol ózin kináli dep sanamaıtyn kórinedi, sebebi densaýlyq saqtaý basqarmasyna dárigerlerdiń dórekeligi jóninde shaǵym túsirgen.
Osy jaǵdaıdan keıin sol mekenjaıdan jedel járdemge eki ret qońyraý túsken. Birinshisinde áıel adamda kúızelisten keıingi sındrom bolsa, ekinshi jaǵdaıda uryp-soǵý anyqtaldy. Degenmen, zardap shekken adam aýrýhanaǵa jatýdan bas tartqan.