Pavlodarda er adam toǵyz qabatty úıden qulap, qaza tapty
PAVLODAR. QazAqparat - Pavlodar qalasynda turǵyn Jaıaý Musa kóshesi, 7B meken-jaıyndaǵy toǵyz qabatty úıden qulap kóz jumdy. Bul týraly Pavlodar oblystyq jedel medıtsınalyq járdem stantsııasy bas dárigeriniń orynbasary Almas Mekishev málim etti, dep habarlaıdy pavlodarnews.kz.
«Keshe saǵat 16:49-da stantsııaǵa shaqyrý tústi», - dedi Almas Mekishev. - 16:52-de brıgada oqıǵa ornynda boldy. Kóz jumǵan - er adam. Óte bıikten qulaǵan. Barlyq súıekteri synǵandyqtan oqıǵa ornynda jan tapsyrdy».
Almas Mekishevtiń aıtýynsha, er adamnyń kim ekeni, neshinshi qabattan qulaǵany belgisiz. Oqıǵanyń mán-jaıy tıisti organdarmen anyqtalýda.
Foto: pavlodarnews.kz
