Pavlodarda er adam tereńdigi 2,5 metr shuńqyrǵa qulap ketti
NUR-SULTAN. QazAqparat – Oqys jaǵdaı qaladaǵy Mır kóshesi, 60/1 mekenjaıy boıynsha bolǵan, dep habarlaıdy pavlodarnews.kz.
Bul týraly oblystyq TJD-niń baspasóz qyzmeti málim etti.
«Kezekshilik bólimine habarlama saǵat 23.23-te kelip tústi. Er adam kólikjaılar men sharbaqtyń arasyndaǵy tereńdigi 2,5 metrdeı shuńqyrǵa qulap túsken», - deıdi departamentten.
TJD qyzmetkerleri kelgenge deıin jetken «103» qyzmeti er adamǵa alǵashqy medıtsınalyq kómek kórsetip úlgergen.
Tótenshelikter 1988 jylǵy turǵyndy alpınıster qurylǵysynyń kómegimen joǵaryǵa shyǵarǵannan keıin jedel járdemmen aýrýhanaǵa alyp ketken. Er adamnyń jambas súıegi synǵan.