Pavlodarda er adam sýǵa batyp ketti
PAVLODAR. QazAqparat - Pavlodarda Ertis ózeniniń jaǵalaýynda 38 jastaǵy er adam sýǵa batyp ketti, dep jabarlaıdy Pavlodarnews.kz.
Pavlodar oblystyq tótenshe jaǵdaılar departamentiniń málimetinshe, sýǵa ketken er adam mas bolǵan. Ony sol jerdegi kýágerler rastaǵan.
«Qutqarýshylar brıgadasyna keshki saǵat 20:30-da er adamnyń sýǵa batyp ketkeni týraly habar kelip tústi. Belgili bolǵandaı ol ózenniń jabdyqtalmaǵan jerinde sýǵa shomylǵan», - dedi Pavlodar qalasy Tótenshe jaǵdaılar basqarmasynyń aǵa ofıtseri Sabyrjan Tastembekov.
Sýǵa ketken er adamdy izdeý jumystary tańerteń jalǵasady.
Mamandar turǵyndarǵa sýdaǵy qaýipsizdik sharalaryn saqtaýdy eskertedi.
