Pavlodarda er adam poıyz astyna túsip mert boldy

PAVLODAR. KAZINFORM — Temirjoldaǵy jelilik polıtsııa bólimi atalǵan oqıǵa boıynsha qylmystyq is qozǵady. 

Pavlodarda tramvaı deposyna aparatyn kópir mańynda er adamdy poıyz qaǵyp ketti. Qaza tapqan er adamnyń jeke bas málimetteri anyqtalǵan joq, jasy shamamen 40-ta bolýy múmkin.

— Er adamdy poıyz qaǵyp ketkeni týraly aqparat saǵat 20.00-de habarlandy. Jedel járdem brıgadasy oqıǵa ornyna 7 mınýtta jetti. Ókinishke qaraı, medıtsına qyzmetkerleriniń tez jetýi adamdardy árdaıym ómirden qutqara bermeıdi. Poıyz astyna túsken azamat alǵan jaraqattary saldarynan sol jerde kóz jumǵany anyqtaldy, — dep habarlady óńirlik jedel járdem stansasynan.

Pavlodar stansasyndaǵy jelilik polıtsııa bólimi qozǵalys qaýipsizdigi erejesin jáne temir jol kóligin paıdalaný erejelerin buzyp, abaısyzda kisi ólimine soqtyrǵan qaıǵyly oqıǵa boıynsha qylmystyq is qozǵalǵanyn jetkizdi. Qazirgi ýaqytta tergep-tekserý is-sharalary júrgizilip jatyr.

Eske sala keteıik, Pavlodarda jeńil kólik aýdarylyp, jolaýshy kóz jumdy https://kaz.inform.kz/news/pavlodarda-zhenl-kolk-audarilip-zholaushi-koz-zhumdi-d555d6/