Pavlodarda er adam marshrýttyq taksıge oq jaýdyrdy
PAVLODAR. QazAqparat – Pavlodarda er adam marshrýttyq taksıge oq atty, dep habarlaıdy QazAqparat.
«Soltústik polıtsııa bóliminiń qyzmetkerleri marshrýttyq taksıge oq atqan kúdiktini qolǵa túsirdi. Er adam buzaqylyq jasamaq bolyp, páterdiń terezesinen marshrýttyq taksıge oq atqan», - dep málim etti Pavlodar oblysy polıtsııa departamentinde.
Pnevmatıkalyq qarý tárkilendi. Tergeý jalǵasýda.«Polıtsııaǵa tańǵy 08:40 shamasynda Malaısary batyr kóshesinde belgisiz bireý buzaqylyq jasamaq bolyp, pnevmatıkalyq qarýdan marshrýttyq taksıge oq atqany týraly habar kelip tústi. Zardap shekkender joq», - dep málim etti departament.
Atalmysh derek boıynsha QR QK 293-babyna sáıkes sotqa deıingi tergeý júrgizilip jatyr.
