Pavlodarda er adam kópirden sekirip ketti
ASTANA. QazAqparat - 42 jastaǵy Ekibastuz qalasynyń turǵyny, eki balanyń ákesi Pavlodarda kópirden sekirip ketti, dep habarlaıdy pavlodarnews.kz .
«Klýb dobrıakov Pavlodara» eriktileriniń aıtýynsha, olarǵa Qaıdar Dankınniń jubaıy kómek surap júgingen. Er adam demalys kúnderi áıelimen jáne 7, 12 jastaǵy qyzdarymen kelgen. Otbasyn jibergennen keıin ózi oblys ortalyǵynda qalyp qoıǵan. Onyń mundaı qadamǵa qandaı sebeppen barǵany belgisiz.
Eriktilerdiń sózine súıensek, 15 tamyz kúni kúzetshi Qaıdar Dankınniń Ertiske sekirgenin kórgen. Alaıda ol júz metrdeı qashyqtyqty júzip ótkennen keıin kózden ǵaıyp bolǵan. Qujattaryn kópirde tastap ketken. Óńirlik ІІD-de atalmysh fakti boıynsha sotqa deıingi tergeý júrgizilip jatqanyn aıtady.
