Pavlodarda er adam dúken kassasynan 800 myń teńgege jýyq qarajatty úptep ketken

PAVLODAR. KAZINFORM — Pavlodar polıtseıleri N.Nazarbaev dańǵylyndaǵy qalalyq sýpermarketterdiń birinde kassadan aqsha urlady degen kúdikpen er adamdy ustady. Kúdikti óz kinásin tolyq moıyndap otyr.

N.Nazarbaev dańǵylyndaǵy qalalyq sýpermarketterdiń birinde kassadan qomaqty qarajat joǵalǵan. Polıtseıler qylmystyq oqıǵany az ýaqytta zerdelep, aqsha urlady degen kúdikpen er adamdy ustady.

— Anyqtalǵandaı, er adam dúkenge zańsyz kirip, ortalyq kassadan 781 000 teńge somasynda aqsha urlap ketken. Atalǵan derek boıynsha qylmystyq is qozǵaldy. Er adam kinásin moıyndady. Onyń óńir aýmaǵynda jasalǵan basqa da osyndaı qylmystarǵa qatysy bar ekeni anyqtaldy. Ustalǵan adam Pavlodardaǵy ýaqytsha qamaý ornyna ornalastyryldy, — dep habarlady Pavlodar oblysy polıtsııa departamentiniń baspasóz qyzmetinen.

Eske sala keteıik, Ekibastuzda eki stýdent tapsyrys jetkizip bergen kýrerdi tonap ketti.