Pavlodarda er adam bıikten qulap mert boldy

PAVLODAR. KAZINFORM - Oqıǵa boıynsha polıtsııa qylmystyq is qozǵap, sotqa deıingi tergeý-tekserý sharalary júrgizilip jatyr.

Pavlodar qalasynyń Malaısary batyr kóshesindegi kópqabattyń úıdiń aýlasynan er adamnyń denesi tabyldy. Jedel járdem onyń boıynda eshbir tirshilik belgileri joq ekenin anyqtaǵan.

- Er adamnyń jasy 30-da. Aldyn ala boljam boıynsha, ol bıikten qulaǵan. Ómirmen úılespeıtin jaraqat alyp, qaıtys bolǵan, – dep habarlady oblystyq jedel járdem stansasynyń baspasóz qyzmetinen.

Atalǵan mekenjaıda ornalasqan turǵyn úı 12 qabattan turady.

Polıtsııa departamenti atalǵan oqıǵa boıynsha sotqa deıingi tekserýdi bastady. Oqıǵanyń mán-jaıy men sebebi anyqtalyp jatyr.

Eske sala keteıik, Pavlodarda besinshi qabattan 2 jasar bala qulap ketti.