Pavlodarda er adam bıikten qulap, mert boldy

PAVLODAR. QazAqparat – Pavlodar oblysynda kópqabatty ǵımarattan qulaǵan er adam kóz jumdy, dep habarlaıdy QazAqparat Pavlodarnews.kz saıtyna silteme jasap.

Nazarbaev dańǵyly, 89/2 mekenjaıyndaǵy kópqabatty ǵımarat janynda jatqan belgisiz er adamdy qala turǵyndary kórip, jedel járdem brıgadasyn shaqyrǵan.

«Shaqyrtý saǵat 14.47-de tústi. Shaqyrtýǵa jedeldiliktiń birinshi sanaty berildi. Jedel járdem alty mınýtta jetti. Oqıǵa ornynda medıtsına qyzmetkerleri er adamnyń qaıtys bolǵanyn belgiledi», - dep málim etti oblystyq jedel járdem stantsııasynan.

Medıtsına mamandarynyń deregine súıensek, er adam shamamen 30 jasta bolǵan. Ólim sebebi – bıikten qulaý.