Pavlodarda er adam 16-qabattan qulap ketti
PAVLODAR. QazAqparat - Er adamnyń Pavlodardaǵy turǵyn úıdiń 16-qabatynan qulaý faktisi boıynsha polıtsııa «Ózin-ózi óltirýge deıin jetkizý» baby boıynsha sotqa deıingi tergeýdi bastady, dep habarlaıdy «QazAqparat» tilshisi.
«1987 jyly týǵan jigit. Qońyraý Kýtýzov kóshesi, 52 mekenjaıynan kelip tústi, - dep málimdedi Pavlodar oblysy densaýlyq saqtaý basqarmasynyń baspasóz hatshysy Elmıra Temirǵalıeva. - Bıologııalyq ólim, katatravma. Besinshi brıgada baryp keldi».
Pavlodar oblysynyń ishki ister departamenti osy tragedııa faktisi boıynsha polıtsııa sot saraptamasyn taǵaıyndaǵanyn aıtty.
«Ol osy úıde otbasymen birge turǵan», - dep habarlady ІІD baspasóz qyzmeti. - «Ózin-ózi óltirýge deıin jetkizý» baby boıynsha sotqa deıingi tergeý bastaldy».
