Pavlodarda «Entýzıast» baǵbanshylyǵyndaǵy saıajaılar órtenip jatyr
PAVLODAR. QazAqaparat - Instagram-da Pavlodardaǵy «Entýzıast» baǵbanshylyǵyndaǵy saıajaılarda órt bolǵan. Oqıǵa ornyna órt sóndirý tehnıkasy shyqty, dep habarlaıdy QazAqparat Pavlodarnews.kz-ke silteme jasap.
Instagram jelisindegi @tipavlo paraqshasynda «Entýzıast» baǵbanshylyǵyndaǵy saıajaılardy órt shalǵany týraly vıdeo jarııalandy.
Pavlodar oblysy tótenshe jaǵdaılar departamentiniń baspasóz qyzmeti saıajaılardaǵy úıler men qurǵaq shóp órtenip jatqanyn málim etti.
«Barlyq kúshter men resýrstar osy aýmaqqa jumyldyryldy. Qansha saıajaı, qansha úı, qaı kósheler órtengeni anyqtalýda. Qosymsha aqparat beriledi. Órt sóndirýshiler úı ıelerinen qurǵaq aǵash pen qoqysty ashyq jerde órtemeýdi suraıdy», - dedi departamentte.
TJD órt sóndirý tehnıkasy oqıǵa ornyna sýsyz keldi degen áleýmettik jeli qoldanýshylaryna da jaýap berdi.
«Barlyq baý-baqsha ýchaskelerinde departamentimizdiń kúshteri men quraldary tútin men oshaqtardy anyqtaý maqsatynda kezekshilik atqarýda. Sol jerde eki qońyraý nómiri jarııalandy. Órt sóndirý ornyna avtotsısternalar sýsyz shyqpaıdy. Qatty qysym bolǵandyqtan, tsısternalardaǵy sý 7-10 mınýtta taýsylady. Órt sóndirý qyzmetine túsinistikpen qaraýdy suraımyz», - dep eskertedi TJD.
Buǵan deıin departament Pavlodarda órt qaýiptiligi joǵary jazǵy saıajaı kezeńi bastalǵanyn habarlaǵan. Qala turǵyndaryn qoqysty saıajaıdan, aǵash ǵımarattardan, qorshaýlardan, ekpelerden múmkindiginshe alys ornatyp, tek temir bóshkede órteýge bolatyndyǵy týraly eskertildi.
Esterińizge sala keteıik, buǵan deıin «ıAblonka» baǵbanshylyǵyndaǵy toǵyz saıajaı órtengen bolatyn.
