Pavlodarda eńbekke jaramsyzdyq paraǵyn satqan eki dáriger jumysynan qýyldy
«Densaýlyq saqtaý basqarmasymen birlese áleýmettik jelilerdi tekserý kezinde jekemenshik emhanalardyń birinde dárigerlerdiń eńbekke ýaqytsha jaramsyzdyq paraǵyn satqany anyqtaldy», - dep málimdedi Memlekettik qyzmet isteri jáne sybaılas jemqorlyqqa qarsy is-qımyl agenttiginiń Pavlodar oblysy boıynsha departamentiniń baspasóz qyzmeti.
«Eńbekke ýaqytsha jaramsyzdyq paraǵyn satqandardyń biri - Pavlodardyń №4 emhanasynyń mektep medbıkesi. Ol emhana qyzmetkerleriniń birimen ózara qarym-qatynasyn paıdalana otyryp, «týysyna» paraq ashtyrǵan. Ekinshisi - №5 emhananyń dárigeri. Tekseristerdiń qorytyndylary boıynsha, olar jumysynan qýyldy», - deıdi departament ókilderi.
Olardyń aıtýynsha, endigi jerde eńbekke jaramsyzdyq paraǵynyń shynaıylyǵyn onyń joǵary bóligindegi QR-kod arqyly tekserýge múmkindik bolady. Bul sybaılastyqqa jol bermeıdi. Joba bıyl, aqpan aıynda iske asyrylady.
Avtory: Anton Gagarın