Pavlodarda eń talantty stýdent anyqtaldy
ASTANA. QazAqparat - S. Toraıǵyrov atyndaǵy Pavlodar memlekettik ýnıversıtetinde «Studenttalents» atty stýdenttik shyǵarmashylyq baıqaýy máresine jetti, dep habarlaıdy pavlodarnews.kz.
Jeńimpaz ataný úshin Pavlodar qalasyndaǵy úsh joǵary oqý ornynyń 16 stýdenti baryn saldy. Shyǵarmashyl jastar birneshe janr boıynsha baqtaryn synady.
Biri aspapta oınap, án aıtsa, ekinshileri óleń oqyp, bı qabiletterin ortaǵa saldy. Jastar qoıylym arqyly kórermenderdi tánti etti.
Qazylar alqasy baıqaýǵa qatysýshylardyń joǵary kásibı deńgeıin atap ótti.
Baıqaýdyń bas júldesin S. Toraıǵyrov atyndaǵy Pavlodar memlekettik ýnıversıtetiniń stýdenti ıÝrıı Rybalko qanjyǵasyna baılady. Daryndy azamat tanymal «Adajıo» ánin oryndady.
ıÝrıı Rybalkonyń oryndaýynaǵy ánge «Kaprız» bı ujymy erekshe kórik berdi. Shyǵarmashylyq top músheleri de bıik belesten kórindi. Al «Tvıngl» ujymynyń bıshileri ekinshi oryndy enshilese, Erasyl Kenjehanovtyń vokaldyq nomeri úshinshi orynǵa ıe boldy.
