Pavlodarda elsiz dalada joǵalyp ketken er adam áli izdestirilip jatyr

PAVLODAR. KAZINFORM - 1968 jyly týǵan azamat jergilikti sharýashylyqtardyń birinde egin alqabyn kúzetken. Qazirgi ýaqytta polıtsııa men tótenshe jaǵdaılar qyzmeti izdestirý jumystaryn birlesip júrgizip jatyr.

Pavlodar oblysy Tótenshe jaǵdaılar departamenti 5 qarashada iz-tússiz joǵalǵan 1968 jyly týǵan er azamatty izdestirý jumystary áli de jalǵasyp jatqanyn habarlady.

- Birlesken izdestirý sharalary Aqsý qalasyna qarasty Eńbek aýylynyń dala aımaǵynda uıymdastyryldy. Іzdestirýge departamenttiń 28 qyzmetkeri, 8 tehnıka, ushqyshsyz ushý apparaty jáne 2 kınologııalyq esep toby jumyldyryldy. Qıyn ári shalǵaı aýmaqtardy tekserý úshin, adam izi bolýy múmkin degen jerlerdi jedel anyqtaýǵa múmkindik beretin ushqyshsyz ushý apparaty belsendi qoldanyldy, - dep málimdedi departamentten.

Kınologııalyq eseptegi qyzmettik ıtter iz kesý arqyly kóptegen ýchaskeni tekserip shyqqan.

Іzdestirý sharalary áli de jalǵasa bermek.

Eske sala keteıik, Jetisýda joǵalǵan balyqshylar tabyldy.