Pavlodarda elorda qurdastary - 50 polıtseı qan tapsyrdy

PAVLODAR. QazAqparat - Pavlodarda Astana kúni merekesine oraı óz erkimen qan tapsyrý boıynsha «Polıtseı - donor» aktsııasy ótti, dep habarlaıdy pavlodarnews.kz.

Qazaqstannyń Qyzyl jarty aıynda «Donor óziniń saý jáne jas ekenine senimdi!» jobasyn iske asyrý jáne Jastar jylyn ótkizý aıasynda jas polıtseıler aktsııaǵa erikti túrde qatysýǵa yqylas bildirdi. Polıtseıler jyl saıyn qan tapsyrýǵa belsendi qatysady, sebebi olar qan tapsyra otyryp, muqtaj jandarǵa ózderiniń kómegi tıetinin biledi, - deıdi oblystyq polıtsııa departamentiniń baspasóz qyzmetinde.

Óńir aýmaǵynda perzenthanalarda, jansaqtaý jáne ota jasaý bólimderinde únemi qannyń jetimsizdigi sezilýde. Atalmysh aktsııa barysynda polıtseıler qan tapsyratyn donorlarǵa qurmet kórsete otyryp, qoǵamda donorlyq máselesin kóterdi jáne adamdardy saýapty is atqarýǵa shaqyrdy. Tártip saqyshalyr túski asqa alǵan aqshalaı ústemaqylaryn qaıyrymdylyq retinde Qazaqstan Qyzyl jarty aıynyń jınaqtaý qoryna tapsyrdy.