Pavlodarda ekologııalyq dárejesi K4 AI-92 benzıniniń alǵashqy partııasy alyndy
«Janarmaıdyń sapasy Ulttyq saraptama jáne sertıfıkattaý ortalyǵy bergen «Kedendik odaqtyń tehnıkalyq reglamentterine sáıkestik deklaratsııasymen» jáne «PMHZ» JShS zerthanasynda akkredıttelgen «AI-92-K4 avtomobıl benzınine berilgen ónim tólqujatymen» bekitilgen. Jańa ónimniń shyǵarylýy zaýyttyń Kedendik odaqtyń tehnıkalyq reglamentteri talaptaryna saı K4 jáne K5 ekologııalyq klastarynyń ónimin óndirý maqsatyna qol jetkizgenin bildiredi», - delingen habarlamada.
Zaýytty jańǵyrtý jobalary aıasynda qurylǵan jańa qondyrǵylar men jobalyq qýattardyń iske qosylýy jyldyq joǵary oktandy benzın óndirý qýatyn 1 081 myń tonnadan 1 492 myń tonnaǵa deıin (1,4 ese) arttyrýǵa múmkindik beredi. Budan tys, Jet A1 halyqaralyq standartynyń áýe janarmaıyn óndirý qamtamasyz etiledi.
Eske sala ketsek, «PMHZ» JShS-ti jańǵyrtý 2009 jyly bastalǵan, onyń tehnıkalyq-ekonomıkalyq negizdemesi (TEN) Italııanyń Eni S.p.A kompanııasy tarapynan jasalǵan. 2011 jyldyń qazan aıynda «Memsaraptama» RMK TEN-ge oń qorytyndy shyǵardy. 2017 jyly qazanda jańǵyrtý jobasy aıaqtaldy.