Pavlodarda Ekinshi dúnıejúzilik soǵys ardagerlerine 2 mln teńgeden beriledi

PAVLODAR. KAZINFORM - Tyl eńbekkerlerine teńestirilgen azamattarǵa 10-40 aılyq eseptik kórsetkish kóleminde birjolǵy tólem júrgiziledi. Jalpy óńir boıynsha 3,8 myńnan astam adam mundaı kómek túrine ıe bolady.

Qazirgi ýaqytta Pavlodar oblysynyń aýmaǵynda kózi tiri 7 soǵys ardageri bar. Jeńis kúnine oraı olardyń árqaısynyń shotyna 2 mln teńgeden birjolǵy tólem aýdarylady.

«Jalpy Ekinshi dúnıejúzilik soǵysqa qatysqandar men jaralanǵandar jáne tyl eńbekkerlerine teńestirilgen 3,8 myńnan astam azamat jalpy somasy 350 mıllıon teńge birjolǵy tólem alady. Jeti soǵys ardagerinen ózge azamattarǵa taǵaıyndalǵan tólem mólsheri – 10-40 aılyq eseptik kórsetkish», - dep habarlady óńirlik jumyspen qamtýdy úılestirý jáne áleýmettik baǵdarlamalar basqarmasynyń basshysy Almıra Dısıýpova.

Qarajat «Azamattarǵa arnalǵan úkimet memlekettik korporatsııasy usynǵan tizimge sáıkes alýshylardyń derbes shottaryna avtomatty túrde aýdarylady.