Pavlodarda eki jyl qatarynan bir kúnde úshemder dúnıege keldi
ASTANA. QazAqparat - Pavlodar qalasynda aqpan aıynda eki úshem dúnıege keldi, dep habarlaıdy pavlodarnews.kz . Bul týraly oblystyq densaýlyq saqtaý basqarmasynyń baspasóz hatshysy Mahabbat Muhamadıeva málim etti.
«24 aqpan kúni 35 jastaǵy ana eki qyz ben bir uldy dúnıege ákeldi. Salmaqtary - eki kelige jýyq. Biraq eshqandaı jansaqtaý sharalary qajet bolmady. Qazir olar perzenthanada. Sondaı-aq, taǵy da bir ana úsh balany dúnıege ákeldi», - dedi baspasóz hatshysy.
Bir qyzyǵy, osydan týra bir jyl buryn 24 aqpanda da Pavlodarda úshem dúnıege kelgen . Oblystyq densaýlyq saqtaý basqarmasynyń málimetinshe, bıylǵy jyly perzenthanada ortalyqta 800 bala týǵan. 17 ana egiz balany dúnıege ákelse, ekeýi úshemniń anasy atandy.
