Pavlodarda eki jeke úı otqa orandy
PAVLODAR. QazAqparat – Pavlodarda eki jeke turǵyn úı men úsh sharýashylyq qora-jaıdyń shatyry otqa orandy. Órt sóndirýshiler 27 lıtr syıymdylyǵy bar bir gaz ballonyn evakýatsııalady, dep habarlaıdy QazAqparat tilshisi.
«17 mamyr kúni saǵat 12:50-de Pavlodar qalasy, Qostanaılyq kóshesi, 34-shi úı meken-jaıy boıynsha órt týraly habar kelip tústi. Órt jeke turǵyn úı sektorynda 390 sharshy metr aýdandy sharpyǵan», - dep habarlady Pavlodar oblysy tótenshe jaǵdaılar departamentiniń baspasóz qyzmetinen.
Qutqarýshylardyń dereginshe, eki jeke turǵyn úı men úsh sharýashylyq qora-jaıdyń shatyry janǵan. 14:15-te órt aýyzdyqtaldy.
«Qutqarýshylar 27 lıtr syıymdylyǵy bar bir gaz ballonyn evakýatsııalady. Qurbandar men zardap shekkender joq», - dedi vedomstvodan.
TJ ornyna TJD jeke quramynyń 39 qyzmetkeri, toǵyz tehnıka birligi, úsh jumysshy jáne apattar medıtsınasy ortalyǵynyń bir kóligi, sonymen qatar eki kólikti mingen tórt polıtseı jetken.
«Órttiń sebebi men keltirgen shyǵyny anyqtalýda», - dep qorytty vedomstvonyń baspasóz qyzmetinen.
