Pavlodarda eki lombardtyń óńirlik dırektorlary qamaýǵa alyndy
PAVLODAR. QazAqparat – «Garant 24» JShS men «ESTATE Lombard» JShS-ǵa qatysty asa iri kólemde alaıaqtyq jasaǵany úshin tergeý júrgizilýde, dep habarlaıdy QazAqparat.
«Pavlodar oblystyq polıtsııa departamentiniń tergeý basqarmasy QR QK 190-baby «Asa iri kólemde alaıaqtyq jasaý» boıynsha «Garant 24» JShS, «ESTATE Lombard» JShS-ǵa qatysty sotqa deıingi tergeýdi bastady», - dep habarlady Pavlodar oblystyq polıtsııa departamenti.
Oqıǵanyń mán-jaıyn anyqtaý úshin arnaıy tergeý toby qurylǵan. Qazir tergeý sharalary júrip jatyr.
«Garant 24» JShS men «ESTATE Lombard» JShS Pavlodar oblystyq dırektorlary ýaqytsha ustaý oqshaýlaǵyshyna qamaldy», - dedi departamentten.
Ózge aqparat tergeý múddesine baılanysty jarııalanbady.
Eske sala keteıik, biz buǵan deıin Almatyda, Tarazda, Óskemende, Oralda jáne basqa da birneshe qalada «Garant 24» jáne «Estate» lombardtarynyń dırektorlary ustalǵanyn jazǵan bolatynbyz.
