Pavlodarda eki kúnde 800 adam jol erejesin buzǵan
PAVLODAR. QazAqparat - Pavlodar qalasynda eki kún ishinde 800-ge jýyq jol erejesin buzý faktisi anyqtaldy, dep habarlaıdy QazAqparat pavlodarnews.kz-ke silteme jasap.
Oblystyq ІІD baspasóz qyzmetiniń málimetinshe, eki kún ishinde qala joldarynda jergilikti polıtsııa qyzmetkerleri 800-ge jýyq jol qozǵalysy erejesin buzý faktisin anyqtaǵan.
«Tirkelgen buzýshylyqtar ishinde 158-i - qaýipsizdik beldigin paıdalanbaý, 112-i - rólde otyrǵanda uıaly telefon qoldaný, 111-i - jyldamdyqty asyrý, 25-i jaıaý júrginshi qozǵalysynda jol bermeý jáne ekeýi qarsy jol qozǵalysy jolaǵyna shyqqan», - dedi baspasóz qyzmetinde.
Sonymen qatar, jaıaý júrginshiler tarapynan 123 jol erejesin buzý faktisi anyqtaldy. 15 júrgizýshi mas kúıde kólik quralyn basqarǵan.
Jergilikti polıtsııa qyzmeti barlyq jol qozǵalysy qatysýshylarynan ereje buzbaı, ózderiniń jáne basqa da adamdardyń ómirine qaýip tóndirmeýin suraıdy.
