Pavlodarda eki kópqabatty úıdiń turǵyndaryna qazaq tili tegin úıretiledi
Tegin til úıretý Qazaqstan halqynyń tilderi kúnine oraılastyrylǵan.
Pavlodar qalasynyń mádenıet jáne tilderdi damytý bóliminiń málimeti boıynsha, «Ana tili» ortalyǵy jáne «Til volonteri» ortalyǵymen birlesip, «Úı-ishimizben qazaq tilin úırenemiz» avtorlyq jobasyn jarııalanǵan. Maqsat - qazaq tilin nasıhattaý jáne qala turǵyndaryn tegin oqytý.
«Til volonteri» ortalyǵynyń eriktileri ıA.Gerıng kóshesindegi 67/1-úıdiń turǵyndary arasynda saýalnama júrgizýge attandy. Eriktiler turǵyndardyń arasynda qazaq tili deńgeıin, sabaqtardyq ózderi úshin yńǵaıly ýaqytyn anyqtap, tegin onlaın kýrstaryna jazylady», deıdi uıymdastyrýshylar.
Sondaı-aq Ak.Shókın kóshesindegi 100-úıdiń turǵyndaryna da til úıretý kýrsyn oqıdy.
Joba qazaq tilin úırenýge arnalǵan stendtermen jabdyqtalǵan. Oqý barysynda kitap, «Ana tili» mobıldi qosymshasy tegin beriledi.
Sabaq aptasyna 3 ret onlaın rejımde turǵyndarǵa yńǵaıly ýaqytta ótedi. Kýrs ınteraktıvti tapsyrma, test, baǵalaý jáne tekserý elementterin eskere otyryp, jańa tehnologııalardy qoldaný arqyly júrgiziledi.
