Pavlodarda eki kólik janyp ketti
PAVLODAR. QazAqparat - Ótken senbi jáne jeksenbi kúnderi oblys ortalyǵynda eki temir tulpar otqa orandy, dep habarlaıdy pavlodarnews.kz.
Oblystyq TJD baspasóz qyzmetiniń málimetinshe, 23 jeltoqsan kúni kezekshilik bólimine saǵat 16.07-de avtokóliktiń janyp jatqany týraly habarlama túsken.
«Mır kóshesi, 19 mekenjaıy boıyndaǵy turǵyn úıdiń aýlasynda ashyq alańda turǵan 1994 jylǵy «Ford Scorpio» markaly avtokóliktiń tórt sharshy metri órtendi», - deıdi vedomstvoda.
Oqıǵa ornynda №1 mamandandyrylǵan órt sóndirý bóliminiń bes adamy men bir tehnıka qyzyl jalyndy saǵat 16.24-te tolyǵymen sóndirgen.
Budan basqa, 22 jeltoqsan kúni saǵat 15.49-da Estaı, kóshesi 150/1 mekenjaıy boıynsha turǵyn úıge qarsy ashyq alańda turǵan 1989 jylǵy «Volkswagen Passat» markaly kóliktiń salony men motor bóligi janǵan. Tilsiz jaýdy aýyzdyqtaýǵa jeke quramnan tórt adam men bir tehnıka jumyldyrylyp, saǵat saǵat 16.03-te sóndirildi.
Eki jaǵdaıda da oqys jaıttyń oryn alýyna elektr symdarynyń qysqa tuıyqtalýy sebep bolǵan. Zardap shekkender tirkelmegen.
Qazirgi tańda keltirilgen shyǵyn kólemi anyqtalýda.
