Pavlodarda eki kólik soqtyǵysyp, bir adam mert boldy
NUR-SULTAN. QazAqparat - Pavlodarda eki kólik soqtyǵysyp, bir adam kóz jumdy, – dep habarlaıdy QazAqparat Polisia.kz-ke silteme jasap.
29 tamyzda saǵat 22.00-de Pavlodar qalasynyń Torgovaıa-Tsentralnaıa kósheleriniń qıylysynda Volkswagen Polo avtokóliginiń 24 jastaǵy júrgizýshisi Lada avtokóligimen soqtyǵysty.
«Jol-kólik oqıǵasy saldarynan Volkswagen Polo avtokóliginiń júrgizýshisi alǵan jaraqatynan oqıǵa ornynda kóz jumdy. Lada avtokóliginiń 24 jastaǵy júrgizýshisi jaraqatpen aýrýhanaǵa jetkizildi», – dedi Pavlodar oblystyq Polıtsııa departamenti bastyǵynyń birinshi orynbasary Jasqaırat Qaıyrov.
Polıtsııa qyzmetkerleri saraptama taǵaıyndalǵanyn jáne avtokólikter arnaıy aıyppul turaǵyna qamaýǵa alynǵanyn atap ótti. Tekserý júrgiziledi.
Aıta keteıik, bıylǵy jyly oblys aýmaǵynda 263 jol apaty bolyp, 44 adam qaza tapty, 403 adam jaraqat aldy.
