Pavlodarda eki bala joǵalyp ketti
PAVLODAR. QazAqparat - Pavlodarda eki bala joǵalyp ketti. Tártip saqshylary balalardy bir saǵattyń ishinde taýyp aldy, dep habarlaıdy Pavlodarnews.kz.
Bul týraly óńirlik polıtsııa departamentiniń ıývenaldy polıtsııa aǵa ınspektory, podpolkovnık Bıbigúl Qamzına aıtty.
Onyń sózinshe, Soltústik polıtsııa bólimine áıel adam habarlasyp, eki jáne jeti jastaǵy eki balasy joǵalyp ketkenin aıtqan.
«Balalardy izdestirý úshin barlyq jeke quram jumyldyrylyp, bólimsheler men beketterge habar berildi», - dep habarlady Bıbigúl Qamzına.
Shaǵymdanýshynyń aıtýynsha, balalar ákesimen birge dúkenge barǵan. Ákesi saýda jasap jatqan kezde balalaryn joǵaltyp alǵan. Kóshege shyqqan sátte taba almaǵan soń jubaıyna qońyraý shalǵan. Anasy dereý aýlaǵa júgirgen.
Balalardy ózdiginen izdeýden nátıje bolmaǵan soń ata-ana polıtsııadan kómek suraǵan.
Jolda jylap turǵan balalardy aǵa leıtenant Kamıla Mýsına kórip qalǵan.
«Olardyń janynan ótip bara jatqan birde-bir adam balalarǵa ne jaǵdaı bolǵanyn suramaǵan. Balalardyń anasy endi qaıtyp olardy kóre almaımyn ba dep qatty ýaıymdaǵanyn aıtty»,-delingen habarlamada.
