Pavlodarda eki bala mert bolǵan kólik apatyna qatysty tekserý júrgizilýde
ASTANA. QazAqparat - Pavlodar oblysynda qaıǵyly jol apaty bolyp, eki jasóspirim kóz jumdy, – dep habarlaıdy Polisia.kz.
19 qyrkúıek saǵat 00.20 shamasynda Aqsý óńiriniń Dostyq jáne Tórtqudyq aýyldary arasyndaǵy Qyzylorda-Pavlodar avtojolynyń 59 shaqyrymynda jol-kólik oqıǵasy boldy.
– 31 jastaǵy júrgizýshi Toyota Noah avtokóligin tizgindep kele jatqanda róldi basqara almaı, kóligimen shuńqyrǵa aýdaryldyp ketken. Atalǵan fakti boıynsha tekserý júrgizilip jatyr, – dedi Pavlodar oblystyq Polıtsııa departamenti bastyǵynyń birinshi orynbasary Jasqaırat Qaıyrov.
Polıtsııa avtokólik salonynda 11 jolaýshy – alty bala jáne bes eresek adam bolǵanyn naqtylady. Olar ózara týys bolyp shyqty.
Jol-kólik oqıǵasynyń saldarynan 16 jáne 14 jastaǵy kámeletke tolmaǵan jolaýshylar alǵan jaraqattarynan oqıǵa ornynda kóz jumdy.
Alty adam, onyń ishinde jaraqat alǵan úsh kámeletke tolmaǵan bala aýrýhanaǵa jatqyzyldy.
Foto: polisia.kz
