Pavlodarda eki jigit sýǵa batyp ketti

PAVLODAR. KAZINFORM — Súńgýirler olardyń biriniń múrdesin sýdan alyp shyqty. Ekinshisin izdeý jumystary áli de jalǵasýda.

Pavlodar oblysynda sońǵy úsh kúnde ózen-kólderde shomylyp júrgen 32 jáne 38 jastaǵy eki er adam sýǵa ketti.

Ekeýi de arnaıy jabdyqtalmaǵan jerde shomylǵan.

«Qaıǵyly oqıǵanyń biri 21 maýsym kúni Jelezın aýdany Bashmachnoe aýyly mańyndaǵy Ertis ózeninde, ekinshisi 22 maýsym kúni Q.Sátbaev atyndaǵy kanalda, Shiderti kentine jaqyn jerde bolǵan. Kanalǵa batyp ketken azamattyń múrdesi tabyldy, ekinshisin izdeý jumystary jalǵasyp jatyr», -dep habarlady óńirlik tótenshe jaǵdaılar departamentiniń baspasóz qyzmetinen.

Eske sala keteıik, buǵan deıin Pavlodarda 19 jastaǵy jigit sýǵa batyp ketken edi.