Pavlodarda eki jasar bala bıikten qulap ketti

PAVLODAR. KAZINFORM - Pavlodarda 2023 jylǵy bala ekinshi qabattan qulap, túrli jaraqattar aldy. Jedel járdem zardap shekken balany shuǵyl túrde oblystyq balalar aýrýhanasyna jetkizdi.

- 22 tamyz kúni saǵat 17.15-te balalar aýrýhanasyna 2023 jylǵy bala jetkizildi. Dárigerler zardap shekken balany tekserip, jabyq bas-mı jaraqatyn, bas mıynyń soqqy alǵanyn, oń jaq ıyǵynyń synǵanyn anyqtady. Ári qursaq tusy jaraqattanǵan. Ol travmatologııalyq bólimshege jatqyzyldy,-dep habarlady óńirlik densaýlyq saqtaý basqarmasynan.

Medıtsına qyzmetkerleri balanyń jaǵdaıy ortasha aýyr dep baǵalanatynyn jetkizdi. Qazirgi ýaqytta ol barlyq qajetti emdi alyp jatyr.

Eske sala keteıik, Pavlodarda 9 jasar bala turǵyn úıdiń úshinshi qabatynan qulap ketti.