Pavlodarda eki bógetti jóndeýge 2,2 mlrd teńgege zańsyz tender jarııalaǵan
PAVLODAR. KAZINFORM - Pavlodar oblysynda jyl basynan beri 4,4 mlrd teńgege 25 memlekettik satyp alýdyń kúshi joıyldy.
Pavlodar oblysynyń memlekettik satyp alý basqarmasy Baıanaýyl aýdanynyń Jańatilek aýylynda 1 mlrd teńgege gıdromelıoratıvti júıeni qaıta jańartý jumysyna habarlandyrý jarııalaǵan.
Sondaı-aq osy aýdannyń Qanysh Sátbaev aýylynda gıdromelıoratıvti júıeni qaıta jańartýǵa 1,2 mlrd teńge kóleminde bıýdjet qarajaty bólindi.
Eki jaǵdaıda da jobalaý-smetalyq qujattamada dambany qaıta jańartý kózdelgen.
Osy jumysty júrgizýge qoıylatyn biliktilik talaptarynda memlekettik lıtsenzııasyz, ıaǵnı tıisti bilimi men jumys tájirıbesi joq sharýashylyq júrgizýshi sýbektiler jiberilgen, alaıda bundaıǵa jol berilmeıdi.
Qadaǵalaý aktisi boıynsha jarııalanǵan konkýrstyń qorytyndysy shyqqanǵa deıin kúshi joıyldy, kináli tulǵalar jaýapqa tartyldy.
Pavlodar oblysynyń prokýratýrasy jyl basynan 4,4 mlrd teńgege 25 memlekettik satyp alýdyń kúshin joıdy.
Qazirgi ýaqytta prokýratýra 2024 jylǵa arnalǵan bıýdjettik josparlaý satysynda shara qabyldap jatyr.
Mysaly, energetıka jáne turǵyn úı-kommýnaldyq sharýashylyq basqarmasynyń bıýdjettik ótiniminde Aqqýly aýdanyndaǵy Tosaǵash jáne Maıqaraǵaı aýyldarynda 25 mln teńge somasyna balalar alańyn jaılastyrý josparlanǵan.
Osy ótinimderdi zerdeleý eki aýyldyq okrýgte birdeı oıyn keshenderine 50%-ǵa jýyq qymbattatylǵan túrli baǵa usynystaryn qoldanǵanyn kórsetti.
Atalǵan fakti boıynsha tıisti sharalar qabyldandy.
