Pavlodarda egde jastaǵy áıeldi óltirgen kúdikti 14 jyldan keıin ustaldy
ASTANA. KAZINFORM — Pavlodar oblysynda 2012 jyly jasalǵan adam óltirý qylmysy 14 jyldan keıin ashyldy.
Oblystyq prokýratýranyń málimetinshe, oqıǵa 2012 jyly Pavlodardaǵy saıajaı alqaptarynyń birinde bolǵan. Ol jerden zorlyqpen qaza bolǵan belgileri bar egde jastaǵy áıeldiń máıiti tabylǵan.
Qylmystyq is uzaq ýaqyt boıy ashylmaǵan qylmystar qatarynda bolǵan. Degenmen kúdiktini anyqtaý boıynsha jumys toqtatylmaǵan.
Prokýrorlar men turaqty jumys isteıtin jedel-tergeý tobynyń jumysy, sondaı-aq krımınalıstıkalyq zertteýdiń zamanaýı ádisterin qoldaný nátıjesinde qylmysqa qatysy bar adam anyqtaldy.
Kúdikti — Pavlodar oblysy Ýspen aýdanynyń 62 jastaǵy týmasy.
— Prokýratýranyń nusqaýymen júrgizilgen sot saraptamalary men tergeý-jedel izdestirý sharalarynyń nátıjesinde qajetti dálelder jınalǵan, — delingen habarlamada.
Qylmystyq is sotqa joldandy. Kúdiktiniń áreketine túpkilikti quqyqtyq baǵany sot beredi.
Eske salaıyq, munyń aldynda Talǵarda nan satatyn orynnyń ıesi kisi qolynan qaza tapqanyn habarlaǵan edik.
