Pavlodarda dúken satýshysy 13 mln teńge jymqyrǵan
PAVLODAR. QazAqparat - Jyl basynan beri pavlodarlyq polıtseıler senip tapsyrylǵan múlikti ıemdenip alý nemese ysyrap etýdiń 34 faktisin ashty, dep habarlaıdy pavlodarnews.kz.
Oblystyq PD baspasóz qyzmeti habarlaǵandaı, aqshalaı qarajattyń jetispeýin 42 jasar jeke kásipker anyqtaǵan.
«Tergeý barysynda qylmysqa 39 jastaǵy satýshynyń qatysy bary anyqtaldy. Ol 2010 jyly jumysqa qabyldanǵan, senimge kirgennen soń óziniń qyzmettik ókilettiligin paıdalana otyra, 13 mıllıon teńgeni jymqyrǵan», - dep habarlaıdy oblystyq PD baspasóz qyzmeti.
Jeke kásipkerdiń aıtýynsha, satýshymen 2010 jyldan beri eńbek sharty, sondaı-aq tolyq jeke materıaldyq jaýapkershilik týraly kelisimsharty jasalǵan. Satýshy aqshany qaıda jumsaǵanyn endi tergeý anyqtaıtyn bolady.
