Pavlodarda dúken órtenip, 47 adam evakýatsııalandy
PAVLODAR. QazAqparat – Pavlodar qalasynda dúken órtendi. Órt sóndirýshiler jalynǵa oranǵan ǵımarattan 47 adamdy qaýipsiz jerge shyǵardy, olardyń arasynda bir bala bar, dep habarlaıdy QazAqparat.
«Tańǵy saǵat 07:05-te Pavlodar qalasyndaǵy Sátbaev kóshesinde ornalasqan «Altaır» dúkeninen órt shyqqany týraly habarlama kelip túsken. Toǵyzqabatty kóppáterli úıdiń astynda salynǵan birqabatty dúkende úsh sharshy metr aýmaqta órt bolǵan», - dep habarlady Pavlodar oblystyq Tótenshe jaǵdaılar departamentiniń baspasóz qyzmetinen.
Órt saǵat 07:50-de tolyq sóndirildi. TJD qyzmetkerleri baspaldaqpen 47 adamdy evakýatsııalaǵan, olardyń arasynda bir bala boldy. Qaza tapqandar men zardap shekkender joq, dep qosyp ótti TJD-dan.
«Órttiń shyǵý sebebi men keltirilgen shyǵyn kólemi anyqtalýda. Tilsiz jaýmen kúres júrgizýge jeke quramnyń 15 adamy men bes tehnıka birligi jumyldyrylǵan», - dep baıandady vedomstvodan.
