Pavlodarda dinı ekstremızmdi nasıhattaýshy ustaldy

PAVLODAR. QazAqparat - Pavlodarda oblystyq ІІD arnaıy jasaq bólimshesiniń qoldaýymen uıymdasqan qylmyspen kúres basqarmasynyń qyzmetkerleri jáne UQK departamenti teris dinı aǵym jaqtaýshysyn ustady, dep habarlaıdy «QazAqparat» HAA tilshisi.

Kúdikti 1996 jyly týǵan, ol ǵalamtorda áleýmettik jeliler men baǵdarlamalar arqyly «terrorızm men dinı ekstremızm ıdeıasyn nasıhattaǵan, sondaı-aq, atalǵan mazmundaǵy materıaldardy saqtaǵan jáne taratqan», - dep habarlady Pavlodar oblysynyń ІІD-i. Polıtsııa  tergeýshileri sotqa deıingi tergeý jumystaryn bastady. Sot sheshimimen kúdikti tutqyndaldy.

Óńirde buǵan deıin de teris dinı aǵym jaqtaýshylary ustalǵan. 2016 jyldyń aıaǵynda Pavlodar oblystyq ІІD-niń uıymdasqan qylmyspen kúres basqarmasynyń qyzmetkerleri «Hızb-ýt-Tahrır ál Islamı» dinı-ekstremıstik partııasynyń qurylymdyq uıymy quramynda qylmys jasaǵan Pavlodar turǵyny R.Gınatýllındi ustady, ol uzaq merzimge bas bostandyǵynan aıyryldy. 2017 jyly «Hızb-ýt-Tahrır ál Islamı» zańsyz áreketterine qatysqan Ekibastuz turǵynyna qatysty sotqa deıingi tergeý jumystary bastaldy.