Pavlodarda dene shynyqtyrý men sport damýynyń negizgi máseleleri talqyǵa tústi
PAVLODAR. Qyrkúıektiń 29-y. QazAqparat /Vera Lıvıntsova/ -«Qazaqstannyń sport odaǵy» qaýymdastyǵy men «Nur Otan» Halyqtyq demokratııalyq partııasynyń Pavlodarda uıymdastyrǵan dóńgelek ústeliniń taqyryby «Sport pen týrızmniń damýy - memlekettiń basym mindetteri» boldy.
Qazir sheshimi tabylmaǵan máseleler týraly ótken jıynǵa bilim berý, densaýlyq saqtaý basqarmalarynyń, jas uıymdarynyń ókilderi, jattyqtyrýshylar men kásipqoı sportshylar qatysty.
«Qazaqstannyń sport odaǵy» qaýymdastyǵynyń tóraǵasy Erlan Janǵulov Qazaqstannyń barlyq oblysy boıynsha júrgizilgen áleýmettik zertteýdiń qorytyndylarymen tanystyrdy.
Saýalnama nátıjeleri boıynsha saýalnamaǵa qatysqan 1400 adam ishinen halyqtyń tek 8,9 paıyzy úzbeı sportpen aınalasyp turatyndyqtaryn aıtqan, olardyń arasynda áıelderge qaraǵanda erlerdiń úlesi eki esege artyq. Qalǵandary sportpen anda-sanda aınalysatyndar ne bolmasa múldem qyzyǵýshylyq tanytpaıtyndar. Buǵan sebep qol jetimdi sporttyq bazalardyń joqtyǵy. Jaýap berýshilerdiń birnesheýi bos ýaqyttaryn teledıdar kórýmen ótkizetindikterin jetkizgen.
Qaýymdastyq sarapshylary sport nysandarynyń qurylysyn jetkiliksiz mólsherde qarjylandyrý - Memleket basshysynyń halyqtyń 30 paıyzyn buqaralyq sportqa tartý týraly aıtqan tapsyrmasyn oryndaýda qolǵa baılaý bolyp otyr deıdi.
