Pavlodarda demalys kúnderi 36 adam mas kúıde kólik júrgizgen
PAVLODAR. QazAqparat - Pavlodarda polıtseıler demalys jáne mereke kúnderi 37 qylmystyń betin ashty, dep habarlaıdy QazAqparat pavlodarnews.kz silteme jasap.
Oblystyq Polıtsııa departamentiniń baspasóz qyzmeti málimetinshe, 21-25 naýryz aralyǵynda oblys aýmaǵynda 37 qylmys ashylǵan.
«Jol júrý erejesin buzǵany úshin 1 246 adam ákimshilik jaýapkershilikke tartyldy. 36 adam kólikti mas kúıde júrgizgeni úshin QR QK-niń 346-baby boıynsha avtokólikterdi basqarý quqyǵynan aıyryldy», - delingen habarlamada.
Aıta keteıik, 21-25 naýryz aralyǵynda barlyǵy 2351 ákimshilik quqyq buzýshylyq anyqtaldy.
