Pavlodarda daýyl men nóserden 41 aǵash qulaǵan

PAVLODAR. QazAqparat – Pavlodarda soqqan kúshti jel men nóserden 41 aǵashtyń qulaý jaǵdaıy tirkeldi, dep habarlaıdy QazAqparat tilshisi.

«Turǵyn úı-kommýnaldyq sharýashylyǵy bóliminiń aqparaty boıynsha Pavlodar qalasynda kún raıynyń qolaısyzdyǵynan 41 aǵash qulaý jaǵdaıy tirkeldi. 14 mekenjaı boıynsha qulaǵan aǵashtar kesilip, shyǵaryldy», - dep málim etti ákimdikten.

Buǵan deıin habarlanǵanyndaı 7 shilde kúni Pavlodarda nóser jaýyn men qatty jelden kósheler men kópqabatty turǵyn úı aýlalaryn sý basyp, elektr jaryǵy sónip qalǵan bolatyn.

Búgin Pavlodar oblysy TJD kúshteri men quraldary jańbyr sýyn sorý jumystaryn júrgizip jatqany habarlandy.