Pavlodarda dárigerlerge arnalǵan jataqhana salynady

PAVLODAR. QazAqparat – Burynǵy Pavlodar oblystyq onkologııalyq dıspanseriniń ornynda dárigerlerge arnalǵan jataqhana salynbaq, dep habarlaıdy Pavlodrnews.kz tilshisi.

Bul týraly Óńirlik kommýnıkatsııalar qyzmetinde ótken baspasóz konferentsııasynda Pavlodar oblysynyń densaýlyq saqtaý basqarmasynyń basshysy Aıdar Seıitqazınov málim etti.

- Qazirgi ýaqytta qurylys basqarmasy jobalyq smetalyq qujattamany aıaqtap jatyr. Ol jerde dárigerlerge arnalǵan jataqhana bolady. Bir, eki jáne úsh bólmeli páterler. Jalpy júzden astam páter salynady, - dedi Aıdar Seıitqazınov.

Onyń aıtýynsha, birinshi qabatta dárigerlerdiń balalaryna arnalǵan balabaqsha salý josparlanyp otyr.

Qazirgi kezde Mır kóshesi, 41 kóshe boıynda ornalasqan burynǵy kezde onkologııalyq dıspanser jáne provızorlyq ortalyq bolǵan ǵımarat bos tur.

- Bul ǵımarat № 3 emhananyń balansynda bolǵandyqtan, osy ǵımaratty saqtaý úshin kúzet qoıylý qajet, - dedi Aıdar Seıitqazınov

Spıkerdiń aıtýynsha, Dostyq shaǵyn aýdanynda jedel medıtsınalyq járdem qosalqy stantsııasynyń qurylysy jáne bastapqy medıtsınalyq-sanıtarııalyq kómek uıymy boı kóteredi. Ázirshe qurylys ýaqyty belgisiz.

Foto: pavlodarnews.kz