Pavlodarda dárigerler jol apatynda kólikten qulap ketken áıeldiń jaǵdaıy týraly aıtty
PAVLODAR. QazAqparat – Pavlodar oblystyq densaýlyq saqtaý basqarmasynan jol-kólik oqıǵasy kezinde kóliktiń terezesinen ushyp túsken áıeldiń jaǵdaıy týraly aıtty, dep habarlaıdy QazAqparat tilshisi.
Dárigerler naýqastyń jaǵdaıyn turaqty aýyr dep baǵalap otyr. Qazir ol polıjaraqat bóliminde jatyr.
«Ony bizge jetkizgen kezde mańdaıynda jaraqat boldy. Onyń oń jaq urshyǵynyń basy synǵan, oń jambas súıegi, úsh qabyrǵasy synǵan. Dárigerler áıeldiń jaraqattan esinen tanyp qalǵanyn aıtty», - dedi Pavlodar oblystyq densaýlyq saqtaý basqarmasynyń baspasóz hatshysy Elmıra Temirǵalıeva.
Aıta keteıik, polıtsııa jol apaty faktisin tekserip jatyr. Kólikter arnaıy aıyppul turaǵyna qoıyldy.
Eske salaıyq, 15 tamyz kúni túnde qaladaǵy Shókın kóshesi men Nazarbaev dańǵylynyń qıylysynda tórt avtokólik bir birine soǵyldy . Oqys oqıǵa kezinde kóliktiń biriniń terezesinen áıel adam ushyp túsken. Oblystyq densaýlyq saqtaý basqarmasy 38 jastaǵy zardap shegýshiniń jaǵdaıy týraly habarlady.
«Áıel kóp jaraqat alǵan. Mıdyń shaıqalýy, urshyq pen jambastyń jabyq synyǵy, oń jaq 5-6-7 qabyrǵalardyń synyǵy jáne ekinshi dárejeli jaraqattyq shok anyqtaldy», - dedi basqarmadan. Ol №1 qalalyq aýrýhanaǵa jatqyzyldy.
Avtory Araılym Murat
