Pavlodarda dárigerler tóbelesip, aýrýhanaǵa tústi
PAVLODAR. QazAqparat - Pavlodarda bir-birine judyryq ala júgirgen eki dáriger aýrýhanaǵa tústi, dep habarlaıdy QazAqparat «Habar 24» telearnasyna silteme jasap.
Oqıǵa óńirlik Densaýlyq saqtaý basqarmasynyń ǵımaratynda bolǵan. Munda alǵashqy medıtsınalyq sanıtarlyq kómek bólimi bas mamanynyń mindetin atqarýshy men №3 qalalyq aýrýhananyń bas dárigeri arasynda janjal shyqqan.
Saldarynan bas dárigerdiń kózine operatsııa jasalsa, mıy shaıqalǵan bas maman em qabyldap jatyr. Janjaldyń sebebin polıtsııa qyzmetkerleri anyqtaıtyn bolady.
«Qazirgi jaǵdaıda ekeýi de aýrýhanaǵa jetkizildi. Ekeýine de kómek kórsetilip jatyr. Ómirlerine tónip turǵan qaýip joq. Bolǵan jaǵdaıdyń sebepteri qarastyrylýda. Komıssııanyń jumysy bitkennen keıin osy eki mamannyń búgingi jaǵdaıy jóninde qorytyndy shyǵaratyn bolamyz», - dedi oblystyq Densaýlyq saqtaý basqarmasy basshysynyń orynbasary Roza Júsipova.
