Pavlodarda tserebraldy sal balalardy qoldaý úshin qaıyrymdylyq jármeńkesi ótedi

PAVLODAR. QazAqparat -  S. Toraıǵyrov atyndaǵy Pavlodar memlekettik ýnıversıtetiniń stýdentteri men jergilikti qolónershiler tserebraldy sal dıagnozy bar balalarǵa arnalǵan qaıyrymdylyq jármeńkesin ótkizedi, dep habarlady «QazAqparat» HAA tilshisi.

Pavlodar JOO stýdentteri men qolónershileriniń qatysýymen ótetin aýqymdy jármeńke 14 aqpanda oqý ornynyń bas korpýsynyń foıesinde ótedi. Stýdentter men sheberler ózderi daıyndaǵan  táttilerin satady: quımaq, tátti nan, pechene, sondaı-aq qoldan jasalǵan buıymdar.

Aktsııany stýdentter áleýmettik kásipkerlikke salym dep atady, sebebi olar tapqan qarajatyn tserebraldy sal dıagnozymen balalar saýyqtyrýdan ótetin «Samal» ortalyǵyna aýdarady.

Atap ótsek, «Samal» ortalyǵynan da balalardyń jumystary jármeńkege    usynylady. Bul qoǵamdyq múgedekter birlestiginde kámelettik jasqa tolǵan tárbıelenýshilerge arnalǵan oqý-óndiristik keshen jumys isteıdi. Onda sal balalar stanokta buıymdar jasaıdy. Olardy ómirge qajetti daǵdylarǵa úıretý jumysy «Eńserý» áleýmettik jobasyn iske asyrý aıasynda júzege asýda.

Qaıyrymdylyq jármeńkeni uıymdastyrý jumysyn óziniń úshjyldyǵy qurmetine «Enaktýs» PMÝ stýdenttik toby aldy.