Pavlodarda burynǵy ıadrolyq synaq polıgony zapastaǵy jer qoryna enedi

PAVLODAR. KAZINFORM — Bul aýmaqtarda shalǵaıdaǵy mal sharýashylyǵyn damytýǵa, paıdaly qazbalar ken oryndaryn ıgerýge jáne sý nysandaryn paıdalanýǵa múmkindik bar.

Burynǵy Semeı ıadrolyq synaq polıgonynyń 434 myń gektar jerin Maı aýdanynyń zapastaǵy jer qorynyń sanatyna aýystyrý josparlanyp otyr.

— Bıyl Kýrchatov qalasynyń 11 myń gektar aýmaǵyn Abaı oblysyna berýge baılanysty oblys pen eldi mekender shekaralaryn retteý, sondaı-aq Pavlodar oblysynyń Baıanaýyl aýdany men Qaraǵandy oblysynyń Osakarov aýdany arasyndaǵy kópjyldyq jer daýyn túpkilikti sheshý jumystary aıaqtalýy tıis. Sondaı-aq burynǵy Semeı ıadrolyq synaq polıgonynyń 434 myń gektar jerin Maı aýdanynyń zapastaǵy jer qorynyń sanatyna aýystyrý josparlanǵan, — dep habarlady Pavlodar oblysynyń ákimdiginen.

Óńirde jaıylymdyq jerler tapshylyǵy ózekti másele bolyp otyr. 80 aýylda jeke qosalqy sharýashylyqtarǵa arnalǵan jaıylym tapshylyǵy — 109,9 myń gektar. Halyqtyń qajettiligi úshin qazirdiń ózinde 10,9 myń ga jer qaıta bólindi. Jaıylym tapshylyǵyn joıý boıynsha Jol kartasy ázirlenýde, sondaı-aq jerdiń tozýy men shóleıttenýine qarsy sharalar, onyń ishinde ónimdiligi tómen ýchaskelerdi shalǵyndandyrý jáne búlingen aýmaqtardy rekýltıvatsııalaý baǵdarlamalary júzege asyrylyp jatyr.

Eske sala keteıik, Aqsý qalasynda 2,6 mlrd teńgelik jaıylym jer memleketke qaıtaryldy.