Pavlodarda buryn sotty bolǵan azamat zırat qorshaýlaryn urlap júrip qolǵa tústi

PAVLODAR. KAZINFORM - Polıtsııa urlyq faktisi boıynsha sotqa deıingi tergeýdi bastady. Keltirilgen shyǵyn kólemi 400 myń teńgeni qurap otyr.

Oblys ortalyǵynyń turǵyny Sývorov zıratyndaǵy metall qorshaýlardy buzyp, jeke kóligine tıep alyp ketken.

«Arnaıy is-sharalardy júrgizý kezinde Pavlodar qalasyndaǵy Ońtústik polıtsııa bóliminiń krımınaldyq polıtsııa qyzmetkerleri urlyq jasaǵan, buryn sottalǵan pavlodarlyqty anyqtady. Ol zırat qorshaýlaryn Shevrole neksııa markaly avtokóligimen alyp ketken. Keltirilgen shyǵyn kólemi - 400 myń teńge», - dep habarlady óńirlik polıtsııa departamentiniń baspasóz qyzmetinen. 

Quqyq qorǵaý organdary kúdiktige qatysty sotqa deıingi tergeý sharalaryn bastady.